میں نے اپنی صدائے دردمند اور نوائے دلپذیر سے؛ تشنگی سے قریب المرگ جہان کے لیے خم زندگی کے مونہہ کھول دیے ہیں۔

آپ نے ایک فقیر بے نوا کے لیے اس جہان کا دروازہ کھول دیا؛ جس کا تصوّر ابھی انسانی ذہن میں نہیں ابھرا۔ (عالم نو ہے ابھی پردہ ء تقدیر میں؛ میری نگاہوں میں ہے اس کی سحر بے حجاب – اقبال۔)

آپ اپنی نگاہ سرمگیں سے میرے دل و جگر کے اندر اتر گئے؛ کیا نغمہ ء سرمہ سا ہے!

آپ نے میری نگاہ نارسا کو کس بہار جلوہ سے نواز دیا؛ کیونکہ میں باغ و راغ میں طائر نو آموز کی مانند فریاد کناں ہوں۔

اگر دو سلطان ایک ولایت میں نہیں سماتے، تو اس میں تعجب کیا؛ تعجب کی بات تو یہ ہے کہ ایک فقیر دونوں جہانوں میں نہیں سماتا۔ (دونوں جہان دے کے وہ سمجھے کہ خوش رہا ؛ یاں آ پڑی یہ شرم کہ تکرار کیا کریں - غالب)۔