میری نوا اس لیے پرسوز ، بے باک اور غم انگیز ہے؛ کہ میرے بدن کی خاک میں (محبت کا) شرارہ ہے اور صبح کی ہوا (ہوائے زمانہ) تیز ہے (اسے خوب بھڑکا رہی ہے)۔

عشق بے سر و سامان ہے، مگر اس کے پاس تیشہ ضرور ہے؛ وہ (فرہاد کی طرح ) اس سے پہاڑ کا سینہ چیر دیتا ہے مگر پرویز (رقیب) کے خون سے پاک رہتا ہے۔

ایک مرد ادا دان کا یہ نکتہ میرے سینے میں چبھ گیا؛ کہ معشوقوں کی نگاہ ان کی پیاری باتوں سے زیاد ہ کارگر ہوتی ہے۔

ایک دم کے لیے میرے سرہانے آ کر بیٹھ جا؛ اور دیکھ کہ وہ شخص جو تیری بزم میں تہی پیمانہ رہا، اب اس کی زندگی کا پیمانہ لبریز ہونے کو ہے۔

میں نے آتش داغ جدائی کے جلوہ کو باغ میں خوب نمایاں کیا؛ باد نسیم نے اس آگ کو اور بھڑکا یا، شبنم (نے کوشش کی مگر) اسے ٹھنڈا نہ کر سکی۔

اگرچہ پنہاں اشاروں نے میرا گھر ا جاڑ دیا ہے؛ مگر میں بے باک اور خون ریز غمزہ چاہتا ہو ں۔

نشیمن دونوں کا بدن ہے، مگر یہ کیا ہے؛ عقل کو مٹی کی صحبت پسند ہے اور دل مٹی سے پرے رہتا ہے۔

مجھے دیکھ کہ ہندوستان میں تجھے میرے سوائے کوئی اور ایسا برہمن زادہ نہیں ملے گا جو روم و تبریز کے رموز (تصوّف ) سے باخبر ہو (جلال الدین رومی تھے اور شمس تبریزی)۔