ایسی فصل بہار! اور بلبلوں کے ترنم کا شور! (میرے محبوب ! ) تو بھی اپنے چہرے سے نقاب اٹھا، موسم کے مطابق (محبت کا ) گیت سنا، اور (عشق کی) شراب پلا۔

میرے ٹپکتے ہوئے آنسو دیکھ! پھر اپنی نگاہ کی طرف نظر کر! پھر اس نگاہ سے میرے نیستاں پر برق شرر گرا۔

اپنی باد بہار سے کہیں کہ وہ میرے افکار کی پیروی کرے؛ وادی و دشت میں میری طرح کے نقش و نگار بنائے۔

میں نے آپ کے چمن میں گل و خار کے درمیان اس طرح زندگی گذاری ؛ کہ باغ و راغ کے سارے پودوں اور پھولوں کو میرے نفس سے تراوت ملی۔

اس عالم آب و خاک کو میرے دل کی کسوٹی پر پرکھیں؛ اور یوں اس کے روشن ہوا ، تو یہ دنیا روشن ہے، اگر اس سے میرا دل تاریک ہوا، تو یہ تاریک ہے۔)

میں قیامت کے روز آپ کے حضور قلب سلیم لے کر حاضر ہوں گا؛ نہ میں نے اور کو دل دیا ہو گا اور نہ دونون جہانوں کو محبوب رکھا ہو گا۔

پرانے گیت گانے والی ایک فاختہ نے میرا نالہ سونا ، تو کہا : کسی اور نے چمن میں پچھلے سال کا نغمہ اس طرح نہیں گایا۔