مجھے ہست و بود کے پھندے سے باہر نکال لایا؛ مقام رضا نے میرے کیا کیا عقدے حل کر دیے ۔ (جب بندہ اپنی مرضی اللہ تعالے کی مرضی میں گم کر دیتا ہے تو وہ تقدیر کے پھندے سے نکل جاتا ہے۔)

عشق نے جوش میں آ کر اس بے سر و سامان کھیتی (دنیا ) میں ہزاروں بیج بوئے ، تب کہیں جا کر انسان وجود میں آیا۔

معلوم نہیں اس کی نگاہ نے میری خاک میں کیا دیکھا؛ کہ میرے ایک ایک لمحے کو زمانے کی کسوٹی پر پرکھا ۔

پھر خس و خاشاک کے جہان کو درمیان میں ڈال کے؛ میرے قلب کو عطا کیے گئے شرر (محبت) کی آزمائش کی۔

ساقی کی کرشمہ بازی نے میرے تو ہوش کھو دیے ؛ 'ساغر کو میرے ہاتھ سے لینا کہ چلا میں'۔