ساقی میرے جگر پر ایسا شعلہ ڈال جس میں سوز کی نمی ہو؛ ایک بار پھر میری کف چاک میں آشوب قیامت برپا کر دے۔

اس (ابلیس) نے مجھے ایک دانہ ء گندم کھلا کر بہشت سے نکلوا دیا؛ آپ مجھے ایک جرہ ء عشق سے وارائے افلاک پہنچا دیں۔

عشق کو ایسی شراب عطا فرمائیے جو مرد افگن اور پر زور ہو؛ پھر اس کی درد میرے پیمانہ ء ادراک میں ڈال دیجیے (تاکہ خرد میں عشق کی چاشنی آ جائے)۔

حکمت و فلسفہ نے مجھے سرگردانی میں مبتلا کر دیا ہے؛ اے میرے راہبر! میرے سر کو اس بار گراں سے نجات دلائیے۔

شراب (عشق) کی گرمی خرد میں گداز پیدا نہیں کر سکی؛ اس کا علاج اپنے ناز و ادا (جلوہ ء جمال) سے کیجیے ۔

بزم ابھی تک امید و نا امیدی کی کشمکش میں گرفتار ہے؛ انہیں گردش افلاک سے بے نیاز کر دیں (اس دور کے مسلمانوں کو اپنے تابندہ مستقبل کا یقین عطا فرمائیے)۔

خزاں میں بھی بہار لالہ و گل لائی جا سکتی ہے؛ ہماری شاخ کہن پر انگور کا خون ڈال کر اسے سرسبز کر دیجیے (انگور کو بارآور کرنے کے لیے اس کی جڑوں میں خون ڈالا جاتا ہے)۔