مجھے ایسی شراب کا پیالہ عصا فرما: جو میرے گل لالہ کو کھلا دے؛ ساقی! میری مشت خاک کو باد بہار کے سپرد کر دے۔

میں نے یورپ میں علم کی جو شراب پی اس نے میری سوچ کو تاریک کر دیا ہے؛ اپنی منزل کے مسافر کو ایسی نگاہ عطا فرمائیے جو صحیح راہ پہچان لے۔

میری یہ حالت ہے کہ تنکے کی مانند ہوا کے ہر جھونکے سے اپنی جگہ سے ہل جاتا ہوں؛ میرا دل شکوک سے فریاد کناں ہے، مجھے یقین محکم عطا فرمائیے۔

میرے دل میں آرزوئیں شرر کی مانند اٹھتی ہیں اور بجھتی رہتی ہیں؛ میری رات کی تاریکی کو ایک آرزو ئے دلنشین کا ستارہ عطا فرمائیے! (ستارہ کی روشنی مستقل ہے ، شرر کی مانند نہیں۔

آپ نے مجھے قلم عطا فرمایا ہے کہ میں اس سے شاہکار نقوش رقم کروں؛ مجھے ایسا لکھنے والا بنایا ہے تو کوئی ایسی لوح جبیں بھی عطا فرمائیے (جہاں میں یہ نقوش رقم کر سکوں)۔