میں نے اپنے آپ کو ہر اس نقش سے پاک رکھا ہے جو نگاہ کے ذریعے دل پر وارد ہو؛ چونکہ میں آپ کے حسن پاکیزہ کا گدا ہوں اس لیے اپنا ادراک صاف رکھتا ہوں (قرآن پاک میں نگاہ نیچی رکھنے کا حکم ہے)۔

کبھی فرزانگی کے طور طریقے بھی ذوق جنوں بخش دیتے ہیں ؛ بسا اوقات اہل دانش کی باتیں سن کر میں گریبان چاک کر کے ان کی مجلس سے باہر آگیا۔

کبھی جہان مجھے اپنی لپیٹ میں لے لیتا ہے اور کبھی میں جہان کو اپنی لپیٹ میں لے لیتا ہوں؛ آپ جام آگے بڑھائیں تاکہ میں اس کشمکش سے باہر نکلوں۔

میں صوفی و ملّا دونوں کی بزم سے غمناک نکلا ہوں ؛ نہ یہاں کوئی رمز محبت ہے ، نہ وہاں کوئی شوق کی بات۔

وقت آ گیا ہے کہ آپ کے خاص الخاص بندوں سے میرا معاملہ ہو؛ کیونکہ میں صحرائی ہوں اور ہر حکمران کے سامنے بے باکانہ گفتگو کرتا ہوں۔