نہ مجھے گھر کی خواہش ہے نہ منزل کی؛ ہمیشہ کا مسافر اور ہر شہر میں اجنبی ہوں۔

صبح کے وقت راکھ نے باد صبا سے کہا: 'اس صحرا کی ہوا نے میری آگ بجھا دی ہے۔

ذرا آہستہ گذر ، مجھے بکھیر نہ دے؛ کیونکہ میں سوو کارواں کی یادگار ہوں'۔

یہ سن کر میری آنکھ سے شبنم کی طرح آنسو ٹپکنے لگے؛ کہ میں ابھی تو خاک ہوں اور راہگذر میں پڑا ہوں۔

اس پر میرے کام میں یہ خوشگوار آواز آئی: (غمگیں نہ ہو) زمانے کی ندی کا وجود میرے چشمے کے دم سے ہے۔

ازل میرے تب و تاب پیشینہ کا مظہر ہے؛ اور ابد میرے انتظار کے ذوق و شوق سے عبارت ہے۔

اپنی کف خاک کے بارے میں فکرمند نہ ہو ، بالکل فکرمند نہ ہو؛ تیری جان کی قسم! میری کوئی انتہا نہیں '۔ (یہ قلب کی آواز تھی۔)