مٹھی بھر خاک میری متاع ہے میں اسے راہ میں بکھیر رہا ہوں؛ اس امید پر کہ ایک روز اسے آسمان تک پہنچا دوں گا۔

کیا کروں؟ اس کا کیا علاج ہے کہ علم و دانش کی شاخ سے کوئی ایک ایسا کانٹا نہیں نکلا ، جو دل میں چبھو سکوں۔

آتش جدائی ہی سے میرے شرر کی نمود ہے؛ اگر میں اسے دبا دوں تو اسی لمحے میری موت واقع ہو جائے۔

مے عشق اور مستی میرے خون میں رچی ہوئی ہیں؛ میں نے دل اس طرح نہیں دیا کہ پھر اسے واپس لے لوں (میری محبت ایسی نہیں کہ اس سے دستبردار ہو جاؤں)۔

آپ نے میرے دل کی خالی تختی پر سارا مدعا (ءحیات) لکھ دیا ہے؛ اب مجھے اتنی سمجھ عطا فرمائیے کہ میں اسے غلط نہ پڑھوں۔

اگر آپ کے حضور کوئی میری غزل پیش کرے تو کیا ہی اچھا ہو اگر آپ اسے یہ کہہ کر نواز دیں کہ 'میں اسے جانتا ہوں'۔