اے مہر و مہ کے مالک! (ہم انسانوں کی) خاک پریشان کی طرف بھی دیکھیے ؛ ذرا اس بیابان پر نظر ڈالیے ، اس کا ایک ایک ذرہ اپنے اندر پیچ و تاب کھا رہا ہے۔

آپ کا حسن بے پایاں ہمارے سینے میں جلوت گزیں ہے؛ اپنے آفتاب جمال کو ہمارے گریبان کے اندر ملاحظہ فرمائیے۔

آپ نے دل آدم کو عشق بلا انگیز عطا کیا: اب اس آگ کو آغوش نیستاں میں دکھائیے۔

آدم اپنے دامن ہستی سے پرانے گناہوں کے داغ دھو رہا ہے؛ ذرا اس آلودہ دامن کی محنت سخت کو نگاہ میں رکھئیے۔

ہماری خاک اٹھتی ہے کہ نیا آسمان تعمیر کرے؛ دیکھیے یہ ذرہء ناچیز تعمیر بیابان کا حوصلہ رکھتا ہے۔