زمانہ اس محبوب (اللہ تعالے ) کا تیز رو قاصد ہے، کیا قاصد ہے کہ اس کا سارا وجود ہی پیغام ہے۔

یہ گمان نہ کر کہ تیرے نصیب میں جلوہء دوست نہیں ، (بات یہ ہے کہ ) ابھی تیرے سینے میں آرزو ناپختہ ہے۔

مانا کہ تو شاہین کی طرح بلند پرواز ہے؛ مگر ہوشیار رہ کہ ہمارا صیاد پرانا شکاری ہے۔

جبریل امین اس مشت خاک کی عظمت کہاں پا سکتے ہیں کہ، ان کی بلند نامی تو بلندیء مقام کے سبب ہے۔

تم سانس گن گن کے زندگی بسر کر رہے ہو ،کیا تمہیں معلوم نہیں کہ زندگی طلسم ایّام توڑنے کا نام ہے۔

مغرب کے علم و دانش کے متعلق میں یہی کہہ سکتا ہوں کہ جب تک نگاہ (حسن ازل کا نظارہ پانے میں) ناکام ہے، آہ و فغاں خوب ہے۔

مجھے اب ہلال و صلیب کی چپقلش کا خطرہ نہیں ، کیونکہ زمانے کی تہ سے ایک نیا فتنہ ابھر رہا ہے ( غالبا کیمونزم کی طرف اشارہ ہے)۔