اس سے زیادہ دوست کی سادہ دلی کیا ہو سکتی ہے کہ ، میرے سرہانے بیٹھ کر علاج کی باتیں کر رہا ہے (وہ نہیں سمجھتا کہ وہ خود ہی میری بیماری کا علاج ہے)۔

اگرچہ میری زبان دلیرانہ ہے اور بات بھی شیریں ہے ، مگر عشق کے بارے میں اس کے سوا کیا کہوں کہ کچھ نہیں کہا جا سکتا۔

کیا خوب ہے وہ شخص جو ضمیر وجود میں غوطہ زن ہو کر موتیوں جیسی قیمتی باتیں نکال لیا اور انہیں آسان زبان میں کہہ دیا۔

میں اس کے الفاظ کی لذت پر سر مست ہوں ، کہ اس نے مجھے عتاب زیر لبی سے (خانہ ویران ) کہا۔

پریشان نہ ہو کہ جہان اپنا راز افشا نہیں کرتا، جو بات پھول نہیں کہہ سکتا وہ مرغ نالاں کہہ دیتا ہے۔

وہ پیام شوق جو میں بے حجاب کہہ رہا ہوں ، قطرہء شبنم نے اسے گل لالہ کو پنہاں کہہ دیا ہے

اگر میری ساری باتیں شوریدہ (مجنونانہ ) ہیں تو اس میں تعجّب کیا ہے، کہ جس نے بھی اس کے گیسوئے پریشاں کی بات کی اس نے یہی کہا۔