اگرچہ فرشتہ طلسم افلاک سے باہر ہے ، تا ہم اس کی نظر اس کف خاک (اولاد آدم) کی کوشش و محبت پر ہے۔

یہ گماں نہ کر کہ عشق کا ایک ہی انداز ہے، گل و لالہ کی قبا بغیر جنوں کے بھی چاک ہے۔

خلوت دوست میں شوق کی بات اس نالہ سے ادا کی جا سکتی ہے، جو نفسانی خواہشات کی آلائش سے پاک رکھ۔

تمہارے ہاتھ میں خرد ایک تند و چالاک شاہین ہے، جس کی مدد سے ستاروں کی آنکھ سے پتلی نکالی جا سکتی ہے (تو اپنی مضمر صلاحیتوں سے پردہ اٹھا)۔

کیونکہ وہ ذات جس نے لن ترانی کہا تھا ابھی تک اس بات کی منتظر ہے کہ کوئی انسان اپنے اندر اس کا جلوہ دیکھنے کی استعداد پیدا کرے۔

اس چمن میں انسان کی عظمت کا گیت کس نے گایا اور یہ آواز کہاں سے آئی، جسے سن کر غنچہ احساس کمتری سے سر بگریباں اور پھول کا چہرہ ندامت سے عرقناک ہے۔