میں نئی بات کہتا ہوں مگر کوئی میری نہیں سمجھتا؛ جلوہ خوں ہو چکا ہے لیکن اسے دیکھنے کے لیے ایک نگاہ بھی نہیں پہنچی۔

اس کارگہہ شیشہ (دنیا) میں سنگ بن کر زندگی گزار؛ افسوس ایسے پتھر پر جو بت بن گیا مگر مینا کو نہ توڑ سکا۔ (افسوس ہے ان پر جو بتوں کی طرح پجتے ہیں ، مگر کہنہ روایات کو نہیں توڑ سکتے۔)

فرسودہ روایات کو توڑ دے اور از سر نو تعمیر کی طرف قدم بڑھا، جو کوئی لا ہی کے چکر میں رہ جاتا ہے وہ الا تک نہیں پہنچ پاتا۔

خوش نصیب ہے وہ چھوٹی ندی جو تحفظ ذات کے پیش نظر ، زمین کے اندر چلی گئی، مگر اس نے دریا تک جانا گوارا نہ کیا۔

دانایان فرنگ کو چھوڑ، کلیم سے سبق سیکھ ؛ انہوں نے بحر کا سینہ تو چاک کیا ہے مگر طور سینا تک نہیں پہنچ سکے۔

عشق نے ہمارے دل سے تڑپنے کے انداز سیکھے ہیں؛ یہ ہمارے دل ہی کا شرر ہے جو بھڑکا اور پروانے تک پہنچ گیا۔