عاشق وہ نہیں جو ہر دم آہ و فغاں میں لگا رہے، عاشق وہ ہے جو دونوں جہانوں کو اپنی ہتھیلی پر اٹھا لے۔

عاشق وہ ہے جو اپنی دنیا خود تعمیر کرتا ہے، وہ ایسے جہان پر قانع نہیں رہتا جو محدود ہے۔

دانائے فرنگ کو دل بیدار تو عطا نہیں ہوا ، اتنا ہے کہ اسے دیکھنے والی آنکھ مل گئی ہے (ذات تک نہیں پہنچ سکا، کائنات تک رہ گیا ہے)۔

عشق ناپید ہے اور خرد اسے سانپ کی مانند ڈس رہی ہے، حالانکہ وہ جام زرّیں میں شراب ارغواں رکھتا ہے۔

میری شراب کی تلچھٹ سے فائدہ اٹھا ، کیونکہ اب مئے کدوں میں کوئی ایسا پیر مرد باقی نہیں جو (میری طرح) تند و تیز شراب رکھتا ہو۔