ہم اللہ تعالے کی گم شدہ متاع ہیں ، وہ ہماری جستجو میں ہے، (کہ ان میں سے کوئی انسان کامل نکلے) ؛ یہ ہے اس کی آرزو اور خواہش ( جس کے لیے کائنات تخلیق فرمائيے) ۔

کبھی وہ برگ لالہ پر اپنا پیام لکھتا ہے، اور کبھی وہ پرندوں کے سینوں میں (بیٹھ کر) ان کی ہا و ہو کا سبب بنتا ہے۔

کبھی وہ نرگس میں بیٹھ کر (اس کی آنکھ سے) ہمارے جمال کا نظارہ کرتا ہے، یہ اس کا کرشمہ ہے کہ نرگس کی آنکھ گفتگو کرتی ہے۔

اس نے شبنم ہمارے فراق میں جو آہ بھری، وہ کائنات کے باہر، اندر، اوپر ، نیچے چاروں طرف پھیلی ہوئی ہے۔

کائنات کی یہ ساری ہنگامہ آرائی آدم خاکی کے دیدار کے لیے ہے، تماشائے رنگ و بو اسی کے نظارے کا بہانہ ہے۔

وہ ذرے ذرے میں پنہاں ہے ، (دوسری طرف وہ) چاندنی کی طرح ظاہر ہے اور کاخ و کو پر چھایا ہوا ہے (مگر ہم سے پھر بھی ) نا آشنا ہے۔

ہمارے خاکدان میں زندگی کا موتی گم ہے، یہ گم شدہ موتی ہم ہیں یا وہ؟