ساقی نے میرے دل بیتاب پر (عشق کی) مئے ناب ڈالی ہے، وہ کیمیا ساز ہے، اس نے سیماب پر اکسیر ڈال کے اسے زر خالص بنا دیا ہے (دل بیتاب کو سیماب کہا ہے)۔

میں نہیں جانتا کہ میرے سینے کے اندر نور ہے یا نار ، البتہ یہ جانتا ہوں کہ اس کی روشنی میں چاندنی ملی ہوئی ہے۔

فطرت خاموش آپ میرے دل پر یورش کرتی ہے، گویا نوا کے شوق سے ساز خود مضراب سے ٹکراتا ہے۔

بے خبر ! غم نہ کھا ، خشک بیاباں میں بھی فطرت نے ایسے چشمے رکھے ہوئے ہیں جو زور میں سیلاب کو شرما دیتے ہیں۔

اے وہ شخص جس نے میری شیریں باتوں سے لطف اٹھایا ہے، تو میری تلخ باتوں سے ناراض نہ ہو۔ نیشتر بھی ضروری ہے تا کہ آدم کی نیند کھول کر اسے بیدار کیا جا سکے۔