سب سے کنارہ کش ہو جا اور کسی ایسے شخص کی صحبت اختیار کر جو آشنائے راز ہو۔ اللہ تعالے سے اپنی خودی کا استحکام مانگ اور استحکام خودی کے ذریعے اللہ تعالے تک پہنچ۔

محبوب کی ایک ادا سے جو خلش پیدا ہوتی ہے وہ پوری تسلی نہیں کر سکتی، عقل، دل اور نگاہ سب کے لیے الگ الگ جلوے طلب کر۔

عشق یہ ہے کہ ساری صراحیء کائنات ایک دم ہی پی جائے ، جام جہاں نما کی کاوش نہ رکھ بلکہ وہ قوّت مانگ جو جہان کے معاملات درست کر دے۔

راستے میں ہر طرف کانٹے بکھرے ہیں ، مسافر ننگے پاؤں ہیں اور منزل تک پہنچنا ہے تو راضی بہ رضا کی سواری طلب کر۔

فقر کمال کو پہنچتا ہے تو پادشاہت کا ذریعہ بن جاتا ہے، کیقباد کا تخت (حقیقی حکومت) فقرا کے آستانوں میں تلاش کر۔

سامنے دیکھ ، زندگی ایک نئے جہان کی طرف لے جا رہی ہے، جو تھا اور جو ہو چکا ہے اسے چھوڑ ، صرف اپنے سفر کی انتہا طلب کر۔

اگر تو زمانے کی مشکلات کی تاب نہ لا کر فریاد کرنے لگا ہے، تو پھر میرا جام ہاتھ سے رکھ دے اور اپنے زخموں کا مرحم تلاش کر۔