میں رات کے حادثات سے بالکل نہیں ڈرتا ؛ رات کیسی بھی ہو ، بالآخر ستاروں کی گردش اسے سحر میں تبدیل کر دیتی ہے۔

وہ عشق جو یا رب کے نعروں سے اپنی نمائش چاہتا، اس نے اپنے مقام کو نہیں پہچانا، وہ اپنے ہی دام (ریا) میں گرفتار ہے۔

دل سے جو آہ اٹھتی ہے، وہ جگر سوزی کے لیے ہے، اسے سینے میں دبائے رکھ، لبوں تک نہ آنے دے۔

میخانہ میں وہ شراب باقی نہیں ، جو کسی مشرب (فرقہ) میں نہ سمائے؛ اصل شراب ساقی (ء دین) فطرت سے حاصل کر۔

جس دل کا تعلق اللہ تعالے سے کٹ چکا ہو؛ وہ مسجد کی قراءت اور مکتب کی حکمت سے مطمئن نہیں ہو سکتا (تعلق باللہ کے بغیر محض رسمی تعلیمات سے اطمینان قلب نصیب نہیں ہوتا)۔