تو کون ہے؟ کہاں سے آیا ہے؛ کہ نیلا آسمان ، تیرے دیدار کے لیے ستاروں کی صورت میں ہزاروں آنکھیں کھولے انتظار کر رہا ہے۔

میں کیا کہوں کہ تو کیا تھا، تو نے کیا کیا اور اب کیا ہو گا ، اس بات نے میرے جگر کو خون کر دیا ہے کہ محمود نے ایاز کا شیون اختیار کر لیا۔

کیا تو وہ نہیں جس نے کہکشاں کو مصلّہ بنایا تھا ، صوفی و شاعر کی شراب نے تجھے اپنا آپ بھلا دیا ہے۔

اگرچہ یورپ نے تیرے فکر کا جمود توڑا، مگر اس نے اپنے علوم سے تیری خود فراموشی میں اور اضافہ کر دیا۔

تو نامہء اعمال اور میزان قیاوت کی باتیں تو کرتا ہے، مگر میں حیران ہوں کہ تجھے یہ قیامت نظر نہیں آتی جو اس وقت برپا ہے۔

مبارک ہے وہ شخص جس نے اپنے سینے کے اندر موجود حریم ذات کو پہچان لیا، ایک لمحہ کے لیے تڑپا اور گفتگو کے مقام سے گزر گیا۔

مکتب و میخانہ پر مجھے اعتبار نہیں ، میں ایسے در پر سجدہ نہیں کرتا جہاں سے کچھ حاصل نہ ہو۔