قلندر جو دنیا کی تسخیر میں کوشاں رہتے ہیں ؛ بظاہر وہ خرقہ پہنتے ہیں لیکن پادشاہوں سے خراج وصول کرتے ہیں۔

جب وہ جلوت میں ہوتے ہیں تو مہر و ماہ پر کمند پھینکتے ہیں؛ اور جب خلوت میں ہوتے ہیں تو زمان و مکان ان کی آغوش میں ہوتا ہے۔

دوستوں میں ریشم و کمخواب کی طرح نرم ہوتے ہیں؛ مگر جنگ کے دوران بدن سے بے پرواہ اور جوش جہاد میں مست ہوتے ہیں۔

وہ بوڑھے آسمان کو نیا نظام عطا کرتے ہیں؛ اور اس کے پرانے ستاروں کا جنازہ نکال دیتے ہیں۔

زمانہ مستقبل کے چہرے سے نقاب الٹ چکا ہے ؛ مگر لوگ ابھی تک ماضی کی شراب سے مست ہیں۔

میں نے وہ بات کہہ دی ہے جو کہی نہیں جا سکتی تھی؛ حیران ہوں کہ فقیہان شہر ابھی تک کیوں خاموش ہیں ۔ (انہوں نے میرے خلاف فتوی کیوں نہیں دیا)۔