اے جوانان عجم! میں اپنی اور تمہاری جان کو خیابان میں چراغ لالہ کی طرح جلا رہا ہوں۔

میرے کفر نے دریا ئے زندگی میں غوطہ زن ہو کر ؛ تمہاری پنہاں سوچ کو پا لیا ہے۔

میں نے مہر و مہ کو دیکھا پھر میری نگاہ پرویں سے بھی اوپر نکل گئی؛ تب کہیں جا کر میں نے تمہارے کافرستان میں حرم کی بنیاد رکھی۔

تمہارے بیابان میں شعلہ بکھرا ہوا تھا ؛ میں نے اس کی زبان تیز کر کے اسے تمہارے دلوں میں بھر دیا ہے۔

وہ لعل کا ٹکڑا جو میں نے تمہارے بدخشاں (قدیم اسلامی علوم ) سے حاصل کیا؛ اسے میں نے فکر رنگیں کی صورت خالی ہاتھ مشرقیوں کی نظر کر دیا ہے۔

میں نے تمہارے زنداں کی دیوار کے روزن سے دیکھ لیا ہے؛ ایک مرد آنے والا ہے جو غلامی کی زنجیریں توڑ دے گا۔

اے مٹی کے بتو! میرے پاس آؤ؛ میں اپنے دل میں تمہارے بزرگوں کی آگ سنبھالے ہوئے ہوں ۔ (عشق سے مٹی کی تصویروں میں سوز دم بدم)