میرے سانس کو باد بہاراں کی صفت عطا ہوئی ہے: اور میرے آنسو ؤں نے گیاہ کو چنبیلی بنا دیا ہے۔

لالہ ء صحرائی کا سرخ رنگ میرے خون کی وجہ سے ہے؛ کیونکہ میرا پیالہ مئے سرخ سے بھر دیا گیا ہے۔

میں اس قدر بلند باز ہوں کہ ؛ فرشتے کئی بار میری گھات میں بیٹھے ہیں۔

آدم خاکی کی شان نت نئے کاموں سے ہے ؛ اس کے برعکس مہ و ستارہ وہی کرتے ہیں جو پہلے سے کرتے آئے ہیں۔

میں نے اپنا چراغ اس لیے جلایا ہے کیونکہ اس زمانے میں ید بیضا آستین میں چھپا دیا گیا ہے۔

اللہ تعالے کی جناب میں سر بسجود ہو اور پادشاہوں سے مدد نہ مانگ ؛ ہمارے بزرگ مشکل وقت میں یہی کرتے تھے۔