اے نادان تو حکیمان فرنگ سے ہمدردی کی توقع رکھتا ہے؛ (تجھے معلوم ہونا چاہیے کہ) شاہین کا دل اس پرندے کے لیے کبھی نہیں پسیجتا جو اس کے پنجے میں ہو۔

اگر تجھے اپنے باپ کی میراث میں لعل مل جائے تو یہ کوئی فخر کی بات نہیں ؛ پتھر سے لعل نکالنے میں جو لطف ہے وہ اور ہے۔

جہان کی ہست و نیست کے بارے میں مجھ سے کیا بات کرتا ہے؛ میں تو اتنا جانتا ہوں کہ میں ہوں، میں نہیں جانتا یہ طلسم کائنات کیا ہے۔

اس میخانے میں ہر صراحی محتسب کے خوف سے لرزہ براندام ہے؛ مگر عاشق کا پیمانہ کہ اسے دیکھ کر پتھر پر لرزہ طاری ہو جاتا ہے۔

تو خودی کو پردہ کہتا ہے ، بیشک ۔۔۔ مگر میں تجھ سے کہتا ہوں؛ (خبردار ) اس پردے کو چاک نہ کرنا کیونکہ دامان نگاہ تنگ ہے (نگاہ اسے دیکھنے کی تاب نہیں لا سکے گی)۔

وہ پرانا درخت جس کے سائے کے نیچے تو نے پر و بال نکالے ؛ آج اگر اس کے پتے کر چکے ہیں ، تو اس سے آشیانہ اٹھا لینا باعث ننگ ہے (پیوستہ رہ شجر سے امید بہار رکھ)۔

غزل ایسی کہہ کہ فطرت اپنے ساز کو تجھ سے ہم آہنگ کرے؛ ایسی غزل سے کیا حاصل جو فطرت سے ہم آہنگ ہو۔