مشرق سے گذر جا اور مغرب سے مسحور نہ ہو؛ کیونکہ ان کے قدیم و جدید (علوم) کی قیمت دو جو کے برابر بھی نہیں۔

سکندر، دارا ، قیقباد اور خسرو ؛ اس پر کاہ کی مانند ہیں جو راہگذر میں پڑا ہو۔

زندگی انجمن آرا بھی ہے اور خود دار بھی؛ اے قافلے کے ساتھ چلنے والے سب کے ساتھ چل اور سب سے بے نیاز بھی رہ (شمع محفل کی طرح سب سے جدا ، سب کا رفیق)۔

تو مہر منیر سے زیادہ چمکدار ہے؛ اس طرح زندگی بسر کر کہ ہر ذرّہ تک اپنی روشنی پہنچائے۔

وہ قیمتی نگینہ جو تو نے شیطانوں کو ہار دیا ہے، اسے تو جبریل امین (علیہ) کے پاس بھی گروی نہیں رکھا جا سکتا۔

ہماری کم مائیگی سے میکدہ رسوا ہو گیا ہے؛ پیالہ اٹھا ، ہوشمندی سے پی اور آگے چل۔