اس گلستان (دنیا ) کا گل لالہ تمنا نہ رکھتا تھا ؛ یہاں کے نرگس طناز چشمہ ء نظارہ سے محروم تھی۔

خاک (انسان سے پہلے کے مراحل) میں تنفس تھا مگر وہ قلب نہیں رکھتی تھی؛ حیات ایک کاروان کی صورت آگے بڑھ رہی تھی مگر اس کے پاس کوئی قیمتی سامان نہ تھا۔

یہ جہان مے کشوں کی ہا و ہو سے خالی تھا؛ مینا میں شراب تھی کوئی پینے والا نہ تھا۔

برق سینا کو شوق کی بے زبانی کا شکوہ تھا؛ (کیونکہ) وادی ء ایمن میں کوئی ارنی کہنے والا نہ تھا۔

عشق نے ہماری فریاد سے ہنگامے تعمیر کیے؛ ورنہ اس بزم خاموشاں (کائنات) میں شور و غوغا نہ تھا۔