ممکن (کائنات) اور واجب (ذات باری تعالے) کا ہم وصال کیسے ہے؟ قرب و بعد اور بیش و کم کی حقیقت کیا ہے؟

ہیں، خرد جہان کے بیش و کم معلوم کرنے والی ہے۔ (dimensions) اس کائنات کے تین البعاد

یہ کائنات طوسی اور اقلیدس (جیسے ریاضی دانوں) کی دنیا ہے، زمین پر چلنے والی عقل کے لیے یہی کافی ہے۔

اس کے زمان اور مکان دونوں اضافی ہیں اس کے زمین و آسمان بھی اعتباری ہیں۔ (مثلا جہاں ہماری نگاہ رک جاتی ہے وہ ہمارے لیے آسمان ہے۔

کمان کا چلّہ چڑھا اور ہدف کو پا لے، میری بات سے نکتہ ء معراج سمجھنے کی کوشش کر۔

اس دیر مکافات (کائنات ) میں مطلق کو نہ ڈھونڈ ، سوائے اللہ تعالے کی ذات کے اور کوئی مطلق نہیں ۔ (اللہ تعالے خود قائم ہے اور باقی ہر شے ان کی وجہ سے قائم ہے۔)

حقیقت مطلق (اللہ تعالے ) لازوال و لا مکاں ہے، کائنات کے بارے میں یہ نہ کہہ کہ اس کا کنارا نہیں۔

Its limit is internal, not external; there are no distinctions of low and high, more or less, in its internal aspect.

س کا اندرون بلندی و پستی سے خالی ہے مگر اس کا بیرون وسعت پذیر ہے۔ (اسے ہم نے اپنے ہاتھ سے بنایا اور بے شک ہم اسے ہر دم وسعت دے رہے ہیں – قرآن47:51 )

ہماری عقل ابد کو سمجھنے کی صلاحیت نہیں رکھتی ، وحدت عقل کی پکڑ دھکڑ سے ہزاروں ٹکڑوں میں منقسم ہو جاتی ہے۔

چونکہ عقل لنگڑی ہے اس لیے وہ بیٹھ رہنا پسند کرتی ہے ، وہ مغز کو نہیں دیکھتی صرف چھلکے سے لگاؤ رکھتی ہے۔

جب ہم نے حقیقت کے سینکڑوں ٹکڑے کر دیے تو اس سے ثابت و سیار کی تمیز پیدا ہوئی۔

خرد نے لامکان کے اندر مکان کی بنیاد رکھی ، اور پھر زمان کو زنّار کی طرح مکان کے گرد لپیٹ لیا۔

ہم نے اپنے اندر زماں کو دیکھنے کی کوشش کی، اور مہ و سال اور شب و روز پیدا کر لیے۔ (اللہ تعالے کے نزدیک وقت ایک بسیط آن واحد ہے، وہ ماضی ، حال اور مستقبل میں منقسم نہیں۔)

مہ و سال کی کوئی حیثیت نہیں، قرآن پاک کے الفاظ ’کم لبثتم‘ پر غور کر۔ ( قیامت کے روز جب کفر سے پوچھا جائے گا کہ تم دنیا میں کتنا عرصہ رہے گا تو وہ کہیں گے ایک دن یا اس سے کم۔)

اپنے آپ تک پہنچ ، باہر کے ہنگامے چھوڑ ، تو آپ اپنے ضمیر کے اند ر اتر جا۔

تن و جان کو الگ الگ کہا تو جا سکتا ہے، مگر انہیں الگ الگ سمجھنا حرام ہے۔

جان کے اندر کائنات کا راز پوشیدہ ہے، بدن احوال حیات میں سے ایک حال ہے۔

معنی کی دلہن صورت (اختیار کر کے اس) سے اپنی آرائش کرتی ہے، (گویا) وہ اپنی نمود کے لیے مختلف لباس پہناتی ہے۔

حقیقت اپنے چہرے پر پردے ڈالتی ہے، کیونکہ اسے منکشف ہونے سے لذت حاصل ہوتی ہے۔

جب فرنگ نے بدن کو روح سے الگ دیکھا تو پھر اس نے حکومت اور مذہب کو بھی جدا جدا کر دیا۔

کلیسا صرف پطرس کی تسبیح شمار کرتا رہا ، اسے حکومت سے کوئی سروکار نہ رہا۔

اسی کا نتیجہ ہے کہ وہاں حکومت مکر و فن پر مبنی ہے، تن بجان ہو گیا اور جان بے تن۔

تو عقل کو دل کے ساتھ لے کر سفر (حیات) کر ؛ ذرا ترک قوم کو دیکھ۔

کہ فرنگیوں کی تقلید میں وہ اپنے آپ سے دور ہو گئے ، انہوں نے ملک و دین میں کوئی ربط نہ دیکھا۔

ہم نے وحدت کو اس طرح سینکڑوں ٹکڑوں میں منقسم دیکھا، کہ اسے شمار کرنے کے لیے اعداد ایجاد کر لیے۔

یہ کہن دیر (کائنات، مکان) جسے تو دیکھتا ہے محض ایک مشت خاک ہے، (مگر) یہ ذات پاک (اللہ تعالے) کی سرگذشت کا ایک لمحہ ہے۔

فلسفی مردے کے بدن کی آرائش کرتے رہے، کیونکہ ان کے پاس نہ ید بیضا تھا نہ دم عیسی (علیہ)۔

میرے دل نے ان کی حکمت میں کچھ نہیں دیکھا، وہ ایک اور حکمت (دانش نورانی) کے لیے تڑپ رہا ہے۔

میں یہ کہتا ہوں کہ کائنات انفلاب میں سے گذر رہی ہے، اس کا اندرون زندہ ہے اور پیچ و تاب کھا رہا ہے۔

تو اعداد و شمار سے آگے نکل، ذرا اپنے اندر نظر ڈال اور آگے بڑھتا جا۔

یہ عالم جہاں جز (انسان) کل (کائنات ) سے بڑھ کر ہے، رازی اور طوسی کا قیاس محض جنوں ہے۔

بیشک تھوڑی دیر کے لیے ارسطو سے دوستی رکھ، کچھ وقت بیکن کے ساز کا ہمنوا رہ۔

لیکن ان کے مقام سے آگے نکل جا، ان کی منزل میں گم نہ ہو جا، اپنا سفر جاری رکھ۔

وہ عقل جو بیش و کم جانتی ہے، اور جو کان اور سمندر کے اندرون کو پہچانتی ہے۔

تو اس کی مدد سے اس جہان چند و چوں کو اپنے تحت لا، اور آسمان کے مہ و پروین کی گھات میں بیٹھ۔

لیکن وہ جو اور حکمت ہے اسے بھی سیکھ ، اور اپنے آپ کو رات دن کے فریب سے رہا کر۔

تیرا مقام اس کائنات سے باہر ہے، تو وہ یمین طلب کر جو یسار کے بغیر ہو، (یعنی وہ جہان جو جہات سے آزاد ہے)۔