میں کون ہوں ، مجھے 'میں' کی خبر دیں۔ 'اپنے اندر سفر کر' کے کیا معنی ہیں؟

خودی کائنات کی حفاظت کے لیے تعویذ ہے، خودی کا پہلا پرتو حیات ہے۔

جب حیات کے اندر وحدت کثرت بنی، تو وہ گہری نیند سے بیدار ہوئی۔

نہ ہماری نمود کے بغیر اس کی صفات کا اظہار کے بغیر ہماری نمود ہے۔

خودی کو ضمیر بحر ناپیدا کنار ہے، اس بحر کے ہر قطرہ کے اندر موج بیقرار پوشیدہ ہے۔

خودی استراحت نا آشنا ہے، اس کا اظہار افراد (انسانی ) کے علاوہ اور کسی شے میں نہیں۔

حیات آگ ہے اور انسانی خودی شراروں کی مانند ہے، یہ شرارے ستاروں کی طرح اپنی جگہ قائم بھی ہیں اور اپنا سفر بھی جاری رکھتے ہیں۔

یہ اپنے آپ کو نظر انداز کیے بغیر غیر کو بھی اپنے آپ سے باہر دیکھتی ہے (گویا) یہ انجمن کے درمیان خلوت نشین ہے۔

ذرا اس کو اپنے آپ سے وابستہ رہنا دیکھو وہ کس طرح خاک پامال سے ابھرتی اور نشو و نما پاتی ہے۔

اس کی کشمکش آنکھوں سے پوشیدہ ہے ، وہ ہر دم رنگ و بو کی جستجو (کائنات کے راز جاننے) میں رہتی ہے۔

وہ اپنے سوز اندرون کے سبب جد و جہد میں مصروف اور ہر دم اپنے آپ سے نبرد آزما ہے۔

اس کی جد و جہد سے جہان کا نظام قائم ہے اور اس سے خود انسان کی خاک آئینے کی مانند چمکدار ہو جاتی ہے۔

خودی کے پرتو سے سوائے خودی کے کچھ پیدا نہیں ہوتا اس کے سمندر کے اندر سے سوائے موتی کے کچھ نہیں نکلتا۔

خودی کے لیے پیکر خاکی حجاب ہے، یہ بدن کے اندر سے ایسے طلوع ہوتی ہے، جیسے سورج۔

ہمارا سینہ اس کا مطلع ہے ، ہماری خاک کی تابانی اس کے جوہر کی مرہون منت ہے۔

تو کہتا ہے کہ مجھے 'میں' کی خبر دو، مجھے بتاؤ کہ 'اپنے اندر سفر کرنے' کے کیا معنی ہیں؟

میں تمہیں بتا چکا ہوں کہ جان و تن کو ربط کیا چیز ہے، اب اپنے اندر سفر کر اور دیکھ کہ 'میں' کیا ہے؟

اپنے اندر سفر؟ ماں باپ کے بغیر (از سر نو) پیدا ہونا ہے، یہ چھت کے کنارے سے ثریا کو پکڑ لینا ہے۔

یہ ایک لمحہ کے اضطراب سے ابد پا لینا ہے ، یہ سورج کی روشنی کے بغیر (اپنے اندر کی روشنی سے) نظارہ کرنا ہے۔

یہ ہر امید و خوف کا نقش مٹا دینا اور موسی (علیہ) کی طرح دریا کو دو ٹکڑے کر دینا ہے۔ (سامنے سمندر تھا ، پیچھے فرعون کا لشکر، مگر موسی (علیہ) پر گھبراہٹ طاری نہ ہوئی۔)

یہ اس بحر و بر کے طلسم کو توڑنا ، اور انگلی کے اشارے سے چاند کو دو ٹکڑے کر دینا۔ (معجزہء شق القمر کی طرف اشارہ ہے۔

یہ اللہ تعالے کے لا مکاں سے اس طرح واپس آنا ہے، کہ سینے کے اندر وہ ہو اور اس کا جہان مٹھی میں ہو۔ (واقعہ ء معراج کی طرف اشارہ ہے۔)

مگر اس راز کو بیان کرنا مشکل ہے، دید شیشہ ہے اور بیان سفال۔

'میں' کا اور اس کی تاب و تواں کا کیا بیان کروں؛ آیہ ء جلیلہ انا عرضنا اسے بےنقاب کر رہی ہے۔ (امانت کا بوجھ جو کسی اور نے نہیں اٹھایا وہ انسان نے اٹھا لیا۔

اس کی شان و شوکت سے فلک لرزہ بر اندام ہے، زمان و مکاں دونوں اس کے پہلو (گرفت) میں ہیں۔

خودی نے آدم کے دل میں اپنا نشیمن بنایا، (سبحان الّہ!) اسے اپنا مشت خاک کے نصیب میں ہونا۔

یہ غیر سے جدا بھی ہے اور اس سے وابستہ بھی، اپنے اندر گم بھی ہے اور دوسروں سے پیوستہ بھی۔

کف خاک کے اندر 'تفکر' اس طرح ہے کہ ، اس کی سیر زمان و مکاں سے ماورا ہے۔

خودی قیدخانے میں بھی ہے اور آزاد بھی ، یہ کیا ماجرا ہے؟ یہ شکاری بھی ہے، کمند بھی اور شکار بھی۔ (بدن میں قید بھی ہے اور اس کے تگ و تاز سے بدن سے ماورا بھی ہے۔

تیرے سینے کے اندر چراغ (خودی) ہے، یہ عجیب نور ہے جو تیرے (قلب کے) آئینے میں ہے۔

غافل نہ ہو، تو اس نور خودی کا امین ہے، تو کتنا نادان ہے کہ اپنے آپ کی طرف نہیں دیکھتا۔